Wisconsin Medicaid thiab BadgerCare Plus
Mob Ntsws Qhuav Cov Kev Pab Nkaus Xwb (Tuberculosis (TB) Only Related
Services)
Printable Version (PDF 201KB)
Mob Ntsws Qhuav Cov Kev Pab Nkaus Xwb (Tuberculosis (TB) Only-Related
Services ) yog ForwardHealth daim phiaj kho mob (plan) rau cov uas tau
mus kuaj pom tias mob ntsws qhuav tab sis tsis muaj raws li cov cai tswj
los mus tso npe rau hauv Wisconsin Medicaid los yog BadgerCare Plus. TB—Cov
Kev Pab Nkaus Xwb Daim Phiaj Kho Mob pab them ib feem cov nqi ntawm kev
kho mob ntsws qhuav lossis tej kab mob ntsws qhuav.
Ib tug neeg yuav tso npe kom tau txais kev pab hauv daim phiaj kho
mob no, nws yuav tsum tau nyiaj hlis thiab muaj khoom vaj khoom tsev
(asset) txog li uas txoj cai teem tseg xwb thiab nws kis tau tus kabmob
ntsws qhuav lawm. Rau ib tus neeg twg, cov nyiaj hlis tseem tsis tau
txiav se uas tau los (gross) tsis pub tshaj $1,481 thiab khoom vaj khoom
tsev tsis pub tshaj $2,000. Rau tus menyuam hnubnyoog 18 xyoos rov hauv
thiab tseem nyob hauv tsev, niamtxiv cov nyiaj hlis thiab khoom vaj
khoom tsev tej zaum kuj yuav raug coj los xam nrog nws kev tsimnyog.
TB-Cov Kev Pab Nkaus Xwb tsuas pab them cov kev kho mob ntsws qhuav
Nkaus Xwb. Tej kev pab yog:
- Them cov kws khomob tej nqi tes.
- Them cov tshuaj uas tau ntawv los ntawm tus kws tshuaj.
- Them nqi tshuaj ntshav tshuaj zis thiab xoos hluav taws xob.
- Them nqi pab los ntawm cov tsev kho mob me (clinic).
- Them kev pab los txhawb kom kev kho mob ntsws qhuav tiav log,
thiab/lossis
- Them kev pab txog kev fab tej tshuaj kho mob ntsws qhuav.
Lus Tshab Ntxiv: TB-Related Medicaid tsis them cov nqi pw
thiab noj haus hauv tsev kho mob loj.
Yuav Ua Ntawv Thov Li Cas
Yog koj xav ntsuam seb koj puas tsimnyog tau txais TB-Cov Kev Pab
Nkaus Xwb, mus tso ntaub ntawv thov tom qhov chaw khiav hauj lwm hauv
koj lub zos. Yog koj xav nrhiav seb lub chaw saib kev pabcuam nyob qhov
twg, hu rau Member Services hauv 1-800-362-3002 lossis mus rau ntawm
dhs.wisconsin.gov/forwardhealth/agency.
Yog Xav Paub Ntxiv
- Hu rau Member Services hauv 1-800-362-3002 (TTY thiab muaj kev
pab txhais lus).
- Qhov chaw khiav hauj lwm hauv koj lub zos, lossis
- Lub chaw saib kev noj qab haus huv (public health department)
nyob hauv koj lub zos.
Department of Health Services (DHS) yog ib qho chaw ua haujlwm thiab
pab neeg yam tsis xaiv ntsej xaiv muag. Yog tias koj muaj tej yam tuncua
(disability) thiab xav tau cov ntaub ntawv qhia no ua lwm hom ntawv,
lossis xav kom muab txhais ua lwm hom lus, thov nug tau hauv
(608)-266-3356 (suab) lossis 1-888-701-1251 (TTY). Kev pabcuam txhais
ntawv txhais lus tag nrho yog pab dawb dawb xwb.
Yog muaj lus nug txog cov cai pejxeem, hu rau (608) 266-9372 (suab)
lossis 1-888-701-1251 (TTY).
P-10022H (09/12)
| 
