Medicaid Home

Apply For Benefits (ACCESS)

Applications

Check My Benefits

Contacts

Find a Provider

Publications

Report My Changes

Other Programs

HIPAA Privacy Notices

Member Updates

Wisconsin Medicaid Fact Sheet Medicaid Purchase Plan - Kev Yuav Mes Dis Khes PDF (28 KB)

Kev Yuav Mes Dis Khes yog dab tsi?

Kev Yuav Mes Dis Khes muaj kev pab rau cov neeg ib ce tsis muaj zog, xws li tuag tes tuag taw, lag ntseg, dig muag uas ua hauj lwm los sis npaj siab xav yuav kev pab kho mob los ntawm Viv Xis Kas Xees Mes Dis Khes. Nyob ntawm tus neeg cov nyiaj, tej zaum yuav tau them nyiaj me ntsis ua ntej yuav tau txais qhov kev pab kho mob no.

Kev tsim nyog rau Kev Yuav Mes Dis Khes, yuav tsum muaj tag nrho cov sob lus nram qab no. Tus neeg yuav tsum:

• Muaj hnub nyoog li ntawm 18 xyoo.

• Neeg nyob hauv Viv Xis Kas Xees.

• Yuav tsum muaj ntawm tus kheej cov khoom ntaus ua nyiaj yam tsawg tshaj $15,000. (Cov khoom ntaus ua nyiaj muaj xws li nyiaj khaws tseg, iv sis las rau tus kheej, nyiaj tau tom chaw ua hauj lwm los sis nyiaj daim yuav khaws cia. Ib lub tsev los sis ib lub tsheb tsis xam tias yog khoom suav ntaus tau ua nyiaj.)

• Yuav tsum yog neeg ib ce tsis muaj zog, tuag tes tuag taw, lag ntseg, dig muag uas pom zoo los ntawm caj meem fai rau kev noj qab haus huv thiab kev pab neeg ib ce tsis muaj zog qhov chaw txiav txim siab (Department of Health and Family Services’ Disability Determination Bureau.)

• Ua hauj lwm tau nyiaj los sis nkag rau ib txoj kev pab txog kev noj qab haus huv thiab kev ua hauj lwm (Health and Employment Counseling).

• Tag nrho tsev neeg cov nyiaj xyoo yuav tsum tsawg tshaj 250% ntawm nom tswv txoj cai rau feem txom nyem, raws li seb koj tsev neeg muaj tsawg leej. Hu tau rau cov caj meem fai hauv nroog (County)uas saib xyuas neeg kev noj nyob los sis caj meem fai pab neeg (human services department) yog tias xav paub ntxiv.

Nyob hauv Kev Yuav Mes Dis Khes, cov neeg:

• Tau txais kev pab kho mob ib yam nkaus li kev pab los ntawm Viv Xis Kas Xees Mes Dis Khes.

• Ua nyiaj tau ntau zog los tau, tsis zoo li ib cov tau Mes Dis Khes, yam uas tsis raug poob kev pab kho mob.

• Muaj cai nce tus kheej thiab khaws nyiaj rau tus kheej los ntawm kev tseg nyiaj, uas hu ua Nyiaj zwm tseg ntawm tus kheej (Independence Accounts). Tus nyiaj zwm tseg ntawm tus kheej yog tej qhov chaw qhib kev tseg nyiaj ntawm ib lub tuam txhab, xws li tuam txhab tso nyiaj los sis txais nyiaj, thiab teev npe rau hauv caj meem fai uas nyob ze ntawm nws nyob los sis cov caj meem fai pab neeg. Cov chaw tso nyiaj rau thaum laus uas twb muaj lawm siv tau rau hauv qhov nyiaj zwm tseg tiam sis yuav tsum ua raws li cov cai tswj rau cov kev qhib chaw tso nyiaj tshiab. Yog tias qhib ib tug Nyiaj zwm tseg, cov neeg ntawv yuav tseg tau nyiaj uas tau tshaj ntawm Kev Yuav Mes Dis Khes kev tswj cov khoom uas ntaus tau ua nyiaj ($15,000) los yuav khoom siv rau tus kheej (xws li, ib lub tsev los sis tsheb) los sis lwm yam kev pab.

Tsis muaj. Kev pab kev kho mob rau tsev neeg tsis muaj nyob hauv Kev Yuav Mes Dis Khes.

Kev Yuav Mes Dis Khes tej zaum yuav pab them rau tus neeg tau txais kev pab kev kho mob los ntawm nws qhov chaw ua hauj lwm yog tias txoj kev pab ntawv tsawg dua Mes Dis Khes. Tus neeg ntawv yuav tau them ib qho nyiaj hli rau Kev Yuav Mes Dis Khes, thiab Viv Xis Kas Xeem Mes Dis Khes mam li them cov nqi uas ob leeg koom them, xws li qhov nyiaj hli uas tau them, nyiaj txiav tawm rov qab, thiab nyiaj them ua ntej ntawm kev kho mob.

• Mes Dis Khes ntawm 1-800-362-3002 (kev pab rau cov neeg tsis hnov lus los sis kev txhais lus los muaj tib si).

• Caj meem fai nyob ze ntawm koj nyob los sis caj meem fai pab neeg, caj meem fai rau W-2, los sis Mes Dis Khes cov chav fai hauv lub nroog koj nyob.

Cov lus nyob hauv no yog hais kom sawv daws paub thiab to taub xwb. Yog xav paub ntxiv txog Kev Yuav Mes Dis Khes, thov hu rau cov caj meem fai nyob ze ntawm koj los sis cov caj meem fai pab neeg.

DHS yog ib qho chaw ua hauj lwm uas tsis xaiv neeg thiab yog ib qho kev pab rau txhua hom neeg. Yog koj pab tsis tau koj tus kheej (disable) los sis xav tau cov lus qhia no ua lwm hom lus, thov hu (608) 266-3465 los sis (608) 266-2555 yog tias tsis hnov lus (TTY) (hu dawb xwb). Tsis yuav nqi rau kev pab txhais lus.

Muaj lub noog txog neeg txoj cai (civil rights) hu (608) 266-3465 los sis (608) 266-2555 rau cov neeg tsis hnov lus (TTY) (hu dawb xwb).

PHC 10071 (N.05/02)